》昨天（18日）继续宣传活动，一班演员于一酒楼举行晚宴，而出席的演员就有：张振朗、丁子朗、刘佩玥、刘颖旋、郭柏妍、邓智坚、黄子恒、樊亦敏、区明妙等人，大家聚在一起一同看剧集的播出。廖慧仪在第一集的出场方式都比较惊吓，一出场就被切去双腿，她接受《香港01》访问时更都表示自己的出场方式很特别。

　　廖慧仪自己亦有看播出，她笑指拍摄时以低炒的角度：“我见到啲眼睫毛飞下飞下咁样，好似就快甩咁样。我自己都有啲意外嘅，有啲惊喜嘅！（咩惊喜呢？）一幕呢其实真实感好重！个厂景其实set咗好多好似做手术咁样嘅台，咁个系一入到去有啲凉浸浸嘅感觉，因为好似真系行刑咁！”

　　廖慧仪指厂景令她震撼，因为好像屠宰场一样：“真系好无助，仲要我系畀人扣咗个手扣啦，咁所以我系一路挣扎一路挣扎，郁唔到。咁我记得拍嘅时候系开咗一部好大嘅风扇，所以我就一路震一路嗌，好似㓥猪咁！”

　　廖慧仪一出场就已经被切双腿，被问到拍摄时会否电锯声增加迫真度时，她即露出恐惧眼神表示：“有啊！其实一下系都真系几惊嘅我觉得，因为佢有啲声音呢系真系好似开咗电锯咁样，令我觉得真系好似杀到埋嚟。”而她身上的血浆亦很多，未知是否因为太血腥，所以电视播出时已经转了黑白色，廖慧仪亦表示虽然她于剧中已死，但之后的集数，都会有她不定时的出现来交代剧情。

　　廖慧仪被问到拍摄时会否电锯声增加迫真度时，她即露出恐惧眼神表示：“有啊！”(胡凯欣 摄)